ཚེ་རིང་རྒྱ་མཚོ།
ཟླ་7པའི་ཚེས་18ཉིན། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོགས་ཆུང་དང་པོའི་ཙུའུ་ཀྲང་གཞོན་པ། རང་སྐྱོང་ལྗོངས་སྐྱེ་ཁམས་ཁོར་ཡུག་ཐིང་ཏང་ཙུའུ་ཡི་ཧྲུའུ་ཅི་ལིའི་སང་གིས་འབྲོང་པ་རྫོང་དུ་ལྟ་ཞིབ་གནང་བ་རེད། གྲོང་ཁྱེར་དང་རྫོང་རིམ་པ་གཉིས་ཀྱི་འབྲེལ་ཡོད་འགན་འཁུར་བློ་མཐུན་གྱིས་ཕེབས་རོགས་ཞུས་པ་རེད།
ཙུའུ་ཀྲང་གཞོན་པ་ལིའི་སང་དང་བཅས་པས་སྔ་རྗེས་སུ་ཀྲུང་གོ་ལྕགས་ལམ་ཅུས་ཉེར་གཅིག་པའི་ཚོགས་པ་འབྲོང་པ་རྣམ་གྲངས་མཉམ་བསྲེས་ས་ཚིགས་དང་། རྟ་མཆོགས་ཁ་འབབ་ཟམ་ཆེན། ལེགས་རྩེ་འགག་སྒོ། རྫོང་གྲོང་བཙོག་ཆུ་གཙང་སེལ་བཟོ་གྲྭ། བོད་ལྗོངས་དར་གཡུ་མཚོ་རྡོ་འདག་ཚད་ཡོད་ཀུང་སིའི་སྲུབ་དཀྲུག་ས་ཚིགས། ཐང་ཤཱི་བྱེ་རྡོ་རྒྱུ་ཆ་ལེན་ས་སོགས་རྣམ་གྲངས་ལ་ལྟ་སྐུལ་མཛུབ་ཁྲིད་དང་ཞིབ་བཤེར་བྱས་པ་མ་ཟད། འབྲེལ་ཡོད་ལས་དོན་སྙན་ཞུ་ཉན་པ། འབྲོང་པ་རྫོང་གི་སྐྱེ་ཁམས་ཁོར་ཡུག་སྲུང་སྐྱོང་གི་འགན་འཁྲི་སྒྲུབ་ཚུལ་དང་ཁོར་ཡུག་སྲུང་སྐྱོང་བྱ་ཐབས་དོན་འཁྱོལ་བྱས་ཚུལ་ཤེས་རྟོགས་ཞིབ་ཕྲ་བྱས་པ་རེད།
ལིའི་སང་གིས། ལེགས་རྩེ་འགག་སྒོ་ནི་ཀྲུང་གོ་དང་ཨེ་ཤེ་ཡ་ལྷོ་མའི་ཚོང་དོན་བགྲོད་ལམ་གསར་པ་ཞིག་ཡིན་པའི་ཆ་ནས། དཔལ་འབྱོར་སྤེལ་རེས་དང་མཉམ་ལས་ལ་སྐུལ་འདེད་གཏོང་བའི་ལས་འགན་གལ་ཆེན་འཁུར་ཡོད། གཞིས་ཀ་རྩེ་གྲོང་ཁྱེར་དེ་ཉིད་སྙིགས་མེད་གྲོང་ཁྱེར་དུ་འཛུགས་སྐྲུན་བྱེད་པའི་ལས་དོན་བླང་བྱ་དང་ཟུང་འབྲེལ་བྱས་ཏེ་ལྟ་སྐུལ་དོ་དམ་བྱེད་ཤུགས་སྔར་བས་ཆེ་རུ་གཏོང་བ་དང་འབྲེལ་ཡོད་ལས་ཀའི་ལམ་སྲོལ་འཐུས་ཚང་དུ་གཏོང་བ། རྒྱལ་མཚམས་ནས་འགྲོ་འོང་བྱེད་པའི་འཕྲོད་བསྟེན་ནད་ཡམས་ཞིབ་བཤེར་དང་། སྲོག་ཆགས་དང་རྩི་ཤིང་གི་ནད་ཡམས་ཞིབ་བཤེར་དང་ཕྱིར་གཏོང་ནང་འདྲེན་གྱི་ཚོང་ཟོག་ཞིབ་བཤེར་སོགས་ཀྱི་ལས་དོན་ཡག་པོ་བསྒྲུབ་དགོས་པའི་གསལ་སྟོན་བྱས་ཡོད་པ་རེད།
ལིའི་སང་གིས་ནན་བཤད་བྱས་དོན། ཞི་ཅིན་ཕིང་གི་སྐྱེ་ཁམས་ཤེས་དཔལ་གྱི་དགོངས་པ་ལག་བསྟར་དོན་འཁྱོལ་གཏིང་ཟབ་བྱ་རྒྱུ་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས་རི་སྔོན་ཆུ་དྭངས་གསེར་དངུལ་རི་ལས་ལྷག གངས་རི་འཁྱགས་ཀླུང་ཡིན་ཡང་གསེར་དངུལ་རི་ཞེས་པའི་འདུ་ཤེས་འཛུགས་པ་དང་ལག་ལེན་བསྟར་བ། ཆབ་སྲིད་ཀྱི་ཚུགས་གནས་མཐོ་རུ་གཏོང་བ་དང་། ཚན་རིག་དང་མཐུན་པའི་ཇུས་འགོད། འགན་འཁྲི་ཏན་ཏིག་བཅས་བྱས་ནས་སྐྱེ་ཁམས་ཁོར་ཡུག་གི་གནད་དོན་དག་ཐེར་ལ་སྐུལ་འདེད་ཏན་ཏིག་གཏོང་བ། སྐྱེ་ཁམས་ཁོར་ཡུག་གི་སྤུས་ཚད་མུ་མཐུད་ལེགས་སུ་གཏོང་བ་བཅས་བྱས་ཏེ་རྒྱལ་ཁབ་ཀྱི་སྐྱེ་ཁམས་བདེ་འཇགས་སྲུང་ཡོལ་བརྟན་པོ་བསྐྲུན་དགོས།
བསྐྱར་ཞུས། འཆི་མེད།
ཞུ་དག ཚེ་རིང་རྒྱ་མཚོ།
རྩོམ་སྒྲིག་པ། ཚེ་རིང་རྒྱ་མཚོ།
ཡིག་སྒྱུར། ཚེ་རིང་སྒྲོལ་མ།
སྒྲ་འཇུག ཚེ་སྒྲོན།
ཡོང་ཁུངས། ཇོ་རིའི་འཕྲིན་སྟེགས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
点赞
收藏
相关推荐
换一批
评论
