ཚེ་རིང་རྒྱ་མཚོ།
ཟླ་7པའི་ཚེས་9ཉིན། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོགས་ཆུང་དང་པོའི་ཙུའུ་ཀྲང་གཞོན་པ། རང་སྐྱོང་ལྗོངས་འགྲིམ་འགྲུལ་ཐིང་གི་ཐིང་ཀྲང་གཞོན་པ་ལིའི་ཧྭ་ཆང་གིས་རྣམ་གླིང་རྫོང་དུ་ལྟ་ཞིབ་ཏུ་ཕེབས་པ་དང་། གྲོང་ཁྱེར་དང་རྫོང་རིམ་པ་གཉིས་ཀྱི་འབྲེལ་ཡོད་འགན་འཁུར་བློ་མཐུན་གྱིས་ཕེབས་རོགས་ཞུས་པ་རེད།
ཙུའུ་ཀྲང་གཞོན་པ་ལིའི་ཧྭ་ཆང་དང་བཅས་པས་སྔ་རྗེས་སུ་ཨེ་མ་ཤང་གི་མུའུ་ཁྲི་ཡི་ཞོག་ཁོག་འདེབས་འཛུགས་རྟེན་གཞི་དང་། རྩེ་ལ་རྡོ་རྒྱུ་བཟོ་གྲྭ། ཤངས་གཞུང་ཚོང་འདམ་ས་ཚིགས། རྫོང་གྲོང་གི་བཙོག་ཆུ་གཙང་སེལ་བཟོ་གྲྭ། རྫོང་གྲོང་གི་འཚོ་བའི་གད་སྙིགས་སྦས་ས། ཤངས་ཆུ་ཆུ་བེད་ལྟེ་གནས་དང་དེའི་ལེ་ལག་ཚང་བའི་ཞིང་ཆུ་འདྲེན་ཁུལ་ལས་གྲྭ། བོད་ལྗོངས་ཀའོ་ཀྲེན་ཨར་ལས་རྒྱུ་ཆ་གསར་པ་ཚད་ཡོད་ཀུང་སི། རྒྱ་མཚོ་ཤང་གཙང་གཡས་གྲོང་ཚོའི་གཞུང་ལམ་རྣམ་གྲངས་སོགས་ས་ཡུལ་དངོས་སུ་ལྟ་སྐུལ་མཛུབ་ཁྲིད་དང་ཞིབ་བཤེར་བྱས་ཤིང་། གླེང་མོལ་བྱེད་པ་དང་སྙན་ཞུ་ཉན་པ། དཔྱད་གཞིའི་ཡིག་རིགས་ལྟ་བ། ས་ཡུལ་དངོས་སུ་ཞིབ་བཤེར་བྱེད་པ་སོགས་ཀྱི་བྱ་ཐབས་བརྒྱུད་རྣམ་གླིང་རྫོང་གི་སྐྱེ་ཁམས་ཁོར་ཡུག་སྲུང་སྐྱོང་དང་སྐྱེ་ཁམས་ཉམས་གསོའི་ལས་དོན་སྤེལ་ཚུལ་ཤེས་རྟོགས་ཞིབ་ཕྲ་བྱས་པ་རེད།
ལིའི་ཧྭ་ཆང་གིས་ནན་བཤད་བྱས་དོན། བློ་བརྟན་འགྱུར་མེད་ཀྱིས་གཏན་འཁེལ་གཉིས་ལ་སྲུང་སྐྱོང་དང་སྲུང་སྐྱོང་གཉིས་མཐའ་གཅིག་ཏུ་ཐུབ་པའི་མཐོ་ཚད་ཐོག་ནས་ཆབ་སྲིད་ཀྱི་ཚུགས་གནས་མཐོ་རུ་གཏོང་བ། བོད་ཀྱི་རིན་ཐང་ཆེ་ཤོས་ནི་སྐྱེ་ཁམས་ཡིན་པ་དང་འགན་འཁྲི་ཆེ་ཤོས་ནི་སྐྱེ་ཁམས་ཐད་ཡིན་པ། ནུས་པ་ཆེ་ཤོས་ཀྱང་སྐྱེ་ཁམས་ཐད་ཡོད་པ་བཅས་ལ་ངོས་འཛིན་གང་ལེགས་བྱེད་པ། སྐྱེ་ཁམས་དཔལ་ཡོན་འཛུགས་སྐྱོང་དང་སྐྱེ་ཁམས་ཁོར་ཡུག་སྲུང་སྐྱོང་གི་ཆབ་སྲིད་འགན་འཁྲི་མཐའ་གཅིག་ཏུ་འཁུར་ནས་མི་དང་རང་བྱུང་ཁམས་ཞི་མཐུན་མཉམ་གནས་ཡོང་བའི་ཐོག་ནས་འཕེལ་རྒྱས་འཆར་འགོད་བྱེད་པ། སྐྱེ་ཁམས་ཁོར་ཡུག་ཆུ་ཚད་མཐོ་བའི་སྲུང་སྐྱོང་དང་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་མཐུན་སྦྱོར་ངང་སྐུལ་འདེད་གཏོང་བ། རྒྱལ་ཁབ་ཀྱི་སྐྱེ་ཁམས་དཔལ་ཡོན་གྱི་མཐོ་ས་གཏོད་མགྱོགས་སུ་གཏོང་བ་བཅས་བྱས་ཏེ་རྒྱལ་ཁབ་ཀྱི་སྐྱེ་ཁམས་བདེ་འཇགས་སྲུང་ཡོལ་གལ་ཆེན་སྲ་བརྟན་བསྐྲུན་དགོས།
པར་འདི་ནི་ལྟ་ཞིབ་ཚོགས་ཆུང་དང་བཅས་པས་རྣམ་གླིང་རྫོང་གྲོང་བཙོག་ཆུ་གཙང་སེལ་བཟོ་གྲྭར་ལྟ་ཞིབ་བྱེད་བཞིན་པ།
བསྐྱར་ཞུས། འཆི་མེད།
ཞུ་དག ཚེ་རིང་རྒྱ་མཚོ།
རྩོམ་སྒྲིག་པ། ཚེ་རིང་སྒྲོལ་མ།
ཡིག་སྒྱུར། ཚེ་རིང་སྒྲོལ་མ།
སྒྲ་འཇུག སྐལ་བཟང་རྒྱལ་མཚན།
ཡོང་ཁུངས། རྣམ་གླིང་ལྟ་ཞིབ་གཞོགས་འདེགས་གཞུང་ལས་ཁང་།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
点赞0
收藏
相关推荐
换一批
评论
