ལིའི་ཧྭ་ཆང་གིས་ཀྲུང་དབྱང་དང་རང་སྐྱོང་ལྗོངས་ཀྱི་ཚུར་ལན་གནད་དོན་དག་ཐེར་ཡོ་བསྲང་གི་ལས་འགན་ལ་དོ་སྣང་ཆེན་པོ་བྱས་ནས་མངོན་གསལ་དོད་པའི་སྐྱེ་ཁམས་ཁོར་ཡུག་གི་གནད་དོན་ཐག་གཅོད་བྱས་ཏེ་སྐྱེ་ཁམས་ཤེས་དཔལ་འཛུགས་སྐྱོང་དང་སྐྱེ་ཁམས་ཁོར་ཡུག་སྲུང་སྐྱོང་ལས་དོན་ཏན་ཏིག་ཡོང་བར་སྐུལ་འདེད་བཏང་ནས་ཕན་འབྲས་དངོས་ཐོན་པ་བྱེད་དགོས། སྐྱེ་ཁམས་ཁོར་ཡུག་ཁྱབ་ཁོངས་ཀྱི་ཁྲིམས་བསྟར་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་བ་དང་། ཁྲིམས་ལྟར་ཁོར་ཡུག་སྲུང་སྐྱོང་ནན་པོ་བྱེད་པ། ཁོར་ཡུག་ཁྲིམས་འགལ་བྱ་སྤྱོད་ལ་ཆད་པ་ནན་པོ་གཅོད་པ། ཁོར་ཡུག་ཁྲིམས་འགལ་བྱ་སྤྱོད་སྣ་ཚོགས་ལ་བཟོད་སྒོམ་གཏན་ནས་མི་བྱེད་པ་བཅས་བྱེད་དགོས། རྫོང་ཁོངས་ཁོར་ཡུག་གི་རྨང་གཞིའི་སྒྲིག་བཀོད་འཛུགས་སྐྲུན་ལ་སྐུལ་འདེད་མགྱོགས་སུ་བཏང་ནས་དཔལ་འབྱོར་དང་སྤྱི་ཚོགས་འཕེལ་རྒྱས་འཚམ་པ། ཚན་རིག་དང་མཐུན་པའི་ཐབས་ཇུས། གོ་རིམ་ལྡན་པའི་འཆར་འགོད། ལུགས་མཐུན་གྱི་འཆར་གཞི་བཅས་མཐའ་འཁྱོངས་བྱས་ཏེ་བཙོག་ཆུ་གཙང་སེལ་བཟོ་གྲྭ་དང་། གད་སྙིགས་སྦས་ས། འཛུགས་སྐྲུན་གད་སྙིགས་བསྐྱར་སྤྱོད་བསྒྱུར་བཀོད་དང་ཚད་ལྡན་འཁོར་རྒྱུག་ལ་བཅས་ལ་གཅིག་གྱུར་སྐུལ་འདེད་གཏོང་དགོས་པའི་བླང་བྱ་བཏོན་ཡོད་པ་རེད།

གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།

ང་ཚོའི་ཡིག་སྒམ་ནི་1132875981@qq.comཡིན།

རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།