སྤྱི་ཟླ་༧པའི་ཚེས་༡༦ཉིན། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་དང་པོས་གཞིས་ཀ་རྩེ་གྲོང་ཁྱེར་ལ་ཁག་བཅུ་གཅིག་པའི་ཡིག་སྐུར་ངོ་བཅར་གྱི་ཐེར་འདོན་ཡིག་ཆ་༡༣བརྒྱུད་སྒྲུབ་བྱས་པ་དང་། ཚང་མ་ཁ་པར་ཐོག་ནས་ཐེར་འདོན་བྱས་ཡོད་པ་རེད། སྦགས་བཙོག་གི་རིགས་གཙོ་བོ་ལྟར་དབྱེ་ན། འཛེར་སྒྲའི་གནོད་སྐྱོན་ཕོག་པ་དང་རླུང་ཁམས་སྦགས་བཙོག་ཐེབས་པའི་རིགས་༡ འཛེར་སྒྲའི་གནོད་སྐྱོན་ཕོག་པའི་རིགས་༣ སྐྱེ་ཁམས་གཏོར་བརླག་ཐེབས་པའི་རིགས་༤ སྐྱེ་ཁམས་གཏོར་བརླག་དང་སྲ་གཟུགས་སྦགས་བཙོག་ཐེབས་པའི་རིགས་༡ གཞན་དག་རིགས་༡ སྐྱེ་ཁམས་གཏོར་བརླག་ཐེབས་པ་དང་དེ་མིན་གཞན་དག་རིགས་༢ འཛེར་སྒྲའི་གནོད་སྐྱོན་ཕོག་པ་དང་དེ་མིན་རིགས་༡བཅས་ཡིན། སྲིད་འཛིན་ས་ཁོངས་ལྟར་དབྱེ་ན། བསམ་གྲུབ་རྩེ་ཆུས་ལ་གྱོད་གཞི་༥དང་། ས་སྐྱ་རྫོང་ལ་གྱོད་གཞི་༢ རྒྱལ་རྩེ་རྫོང་ལ་གྱོད་གཞི་༡ ས་དགའ་རྫོང་ལ་གྱོད་གཞི་༡ བཞད་མཐོང་སྨོན་རྫོང་ལ་གྱོད་གཞི་༢ ཁང་དམར་རྫོང་ལ་གྱོད་གཞི་༡ གཏིང་སྐྱེས་རྫོང་ལ་གྱོད་གཞི་༡བཅས་ཡོད་པ་རེད། 

སྤྱི་ཟླ་༧པའི་ཚེས་༡༦ཉིན་བར། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་དང་པོས་རང་རེའི་གྲོང་ཁྱེར་ལ་ཡིག་སྐུར་ངོ་བཅར་གྱི་ཐེར་འདོན་ཡིག་ཆ་༩༣བརྒྱུད་སྒྲུབ་བྱས་པ་དང་ཚང་མ་འབྲེལ་ཡོད་ཚན་པར་རྩིས་སྤྲད་ཟིན་ཞིང་འབྲེལ་ཡོད་ཚན་པས་(སྡེ་ཁག་)སྒྲུབ་གཉེར་ཧུར་ཐག་བྱེད་བཞིན་ཡོད་པ་རེད། རང་སྐྱོང་ལྗོངས་ལྟ་ཞིབ་ཚོ་ཆུང་གི་བླང་བྱ་གཞིར་བཟུང་། ཡིག་སྐུར་ངོ་བཅར་གྱི་གྱོད་གཞི་སྒྲུབ་ཚུལ་ཉིན་༥ནང་ལྟ་ཞིབ་ཚོ་ཆུང་ལ་ལན་སྤྲད་ནས་དག་ཐེར་དང་ཐག་གཅོད་བྱས་ཚུལ་དུས་ཐོག་ཏུ་སྤྱི་ཚོགས་ལ་ཡོངས་བསྒྲགས་བྱ་རྒྱུ་ཡིན་པ་རེད།

ཞར་བྱུང་ཡིག་ཆ། བརྒྱུད་སྒྲུབ་བྱས་པའི་ཁག་བཅུ་གཅིག་པའི་ཡིག་སྐུར་ངོ་བཅར་གྱོད་གཞིའི་གནད་དོན་གསལ་ཐོ།

（རྩ་གཉིས་ཨང་རྟགས་བཤེར་ནས་གཟིགས་རོགས་གནང་།）

 (ཚེ་རིང་རྒྱ་མཚོས་བསྒྱུར་)