ཁག་གཉིས་པའི་བརྗོད་དོན་གཙོ་བོའི་སློབ་གསོ་སྤེལ་ཚུན། གཞིས་ཀ་རྩེ་གྲོང་ཁྱེར་གྱིས་གནད་དོན་འཚོལ་བཤེར་དང་དག་ཐེར་ཡོ་བསྲང་བྱ་རྒྱུ་དེ་བརྗོད་དོན་གཙོ་བོའི་སློབ་གསོའི་ནང་དོན་གལ་ཆེན་དུ་བརྩི་རྒྱུ་མཐའ་འཁྱོངས་ཀྱིས་སློབ་སྦྱོང་དང་ཞིབ་བསྡུར། འཚོལ་བཤེར། ཡོ་བསྲང་བཅས་བྱེད་རྒྱུ་མཐའ་འཁྱོངས་ཀྱིས་དག་ཐེར་ཡོ་བསྲང་དོན་འཁྱོལ་ལ་དམ་འཛིན་བྱེད་པའི་ཁྲོད་བརྗོད་དོན་གཙོ་བོའི་སློབ་གསོ་གཏིང་ཟབ་དང་ཏན་ཏིག་ངང་སྤེལ་རྒྱུར་སྐུལ་འདེད་བཏང་བས་མི་དམངས་མང་ཚོགས་ལ་བརྗོད་དོན་གཙོ་བོའི་སློབ་གསོ་མྱོང་ཚོར་ཐུབ་ནས་འགྱུར་ལྡོག་གསར་པ་བྱུང་ཡོད།

གོང་གིས་འོག་ལ་སྣེ་ཁྲིད་རྒྱུ་མཐའ་འཁྱོངས་ཀྱིས་དག་ཐེར་ཡོ་བསྲང་གཏིང་ཟབ་སྤེལ་བ།  ཁག་གཉིས་པའི་བརྗོད་དོན་གཙོ་བོའི་སློབ་གསོ་སྤེལ་ཚུན། གཞིས་ཀ་རྩེ་གྲོང་ཨུད་ཀྱིས་སྐུལ་འདེད་ཤུགས་ཆེན་གཏོང་རྒྱུ་མཐའ་འཁྱོངས་བྱས་ཏེ་གོང་གིས་འོག་ལ་སྣེ་ཁྲིད་དེ་བཅོས་སྒྲིག་ལས་དོན་ལ་སྐུལ་འདེད་ཏན་ཏིག་བཏང་ཡོད།  གྲོང་ཨུད་ཀྱི་འགོ་ཁྲིད་གཙོ་བོས་གཞི་རིམ་དུ་ཟབ་འཇུག་དང་བརྡ་ཐོ་མི་གཏོང་བར་ལྐོག་བཤེར་བྱེད་པ། ས་ཡུལ་དངོས་སུ་ལྟ་ཞིབ་བྱེད་པ། ཤེས་རྟོགས་བྱུང་བའི་གནད་དོན་ལ་དུས་ཐོག་ཏུ་ངོས་འཛིན་རྩིས་ལེན་བྱེད་པ་སོགས་དག་ཐེར་ཡོ་བསྲང་ལ་སྐུལ་འདེད་བཏང་ཡོད། 

གནད་དོན་འཚོལ་བཤེར་གཏིང་ཟབ་དང་གནད་དོན་གྱི་སྟོན་ཕྱོགས་མཐའ་འཁྱོངས་ཀྱིས་དག་ཐེར་ཡོ་བསྲང་ལ་དམ་འཛིན་བྱས་པ།  གནད་དོན་ལ་ཁ་གཏད་གཅོག་ཕོད་པ་དང་སྦ་གསང་མི་བྱེད་པ། གཡོལ་ཐབས་མི་བྱེད་པ། དུས་འགྱངས་མི་བྱེད་པ། གནད་དོན་ལྗིད་དོར་ཡང་ལེན་མི་བྱེད་པ། དོན་དངོས་དོར་ནས་རྫུན་སྒྲུབ་མི་བྱེད་པ་སོགས་ལས་དོན་ཁག་ཏན་ཏིག་བསྒྲུབས་ཡོད། མཉམ་འབྲེལ་ཐོག་ཞིབ་བཤེར་བྱེད་པའི་ལམ་སྲོལ་བཙུགས་པ་དང་གནད་དོན་ལ་བརྟག་དཔྱད་ནན་པོ་བྱས་པ། ཞིབ་བཤེར་དང་དབྱེ་ཞིབ་གཏིང་ཟབ་བྱས་པ། བསམ་བློའི་འབྱུང་རྩ་སྔོག་འདོན་གཏིང་ཟབ་བྱས་པ། དག་ཐེར་ཡོ་བསྲང་དང་དོན་འཁྱོལ་ལ་སྐུལ་འདེད་བཏང་བ་བཅས་ཡོད། རིགས་ཁག་གི་གནད་དོན་༦༨༤འཚོལ་བཤེར་ཐུབ་པ་དང་གནད་དོན་གསལ་ཐོ་རེ་རེ་བཞིན་གསལ་ཐོ་བཟོས་ནས་དག་ཐེར་ཡོ་བསྲང་ལ་སྐུལ་འདེད་བཏང་བ། འགུལ་རྣམ་གསར་སྒྱུར་དང་ཆད་ཐོ་སུབ་པ། 

སྒོ་རྒྱག་རྣམ་པའི་དོ་དམ་བཅས་བྱས་པ། ཆེད་བསྐོས་མི་སྣས་ལས་སྒྲུབ་ལ་དམ་པོར་དམིགས་པ་དང་དོན་འཁྱོལ་ལ་སྐུལ་འདེད། ས་གནས་ས་ཐོག་ཏུ་ཞིབ་བཤེར། མཇུག་འབྲས་ཡོངས་བསྒྲགས་བཅས་ཀྱི་ལམ་སྲོལ་བཙུགས་ནས་རྩིས་ཁྲ་ཅན་དང་རྣམ་གྲངས་ཅན་གྱིས་བཅོས་སྒྲིག་ལ་སྐུལ་འདེད་བཏང་སྟེ་བཅོས་སྒྲིག་བྱ་ཐབས་༡༩༤༠བཟོས་ཡོད། ལྗོངས་ཏང་ཨུད་ཀྱི་སྐོར་སྐྱོད་ལྟ་སྐུལ་མཛུབ་ཁྲིད་ཚོ་ཆུང་གཉིས་པ་དང་གྲོང་ཨུད་ཀྱི་བརྗོད་དོན་གཙོ་བོའི་སློབ་གསོ་གཞུང་ལས་ཁང་གིས་མཉམ་འགུལ་མཛུབ་ཁྲིད་ལ་ཤུགས་སྣོན་དང་ཁྱབ་ཁོངས་དབྱེ་ནས་ཡུག་སྦྲེལ་གྱི་འགན་འཁྲིའི་ལམ་ལུགས་བཙུགས་པ། ཚན་པ་ཁག་གི་སྣེ་ཁྲིད་དེ་ཁྱབ་ཁོངས་ཁག་ཏུ་ལས་འགན་ལ་ལྟ་སྐུལ་དང་འཕེལ་རིམ་ལ་ལྟ་སྐུལ། ཕན་འབྲས་ལ་ལྟ་སྐུལ་བཅས་བྱས་ནས་བཅོས་སྒྲིག་གི་ལས་འགན་དོན་འཁྱོལ་ལ་སྐུལ་འདེད་བཏང་ཡོད། 

ལྟ་སྐུལ་ཞིབ་བཤེར་ལ་ཤུགས་སྣོན་གྱིས་གནད་དོན་ཐག་གཅོད་དང་དག་ཐེར་ཡོ་བསྲང་དམ་འཛིན་བྱེད་རྒྱུར་སྐུལ་འདེད་བཏང་བ།  བོད་རང་སྐྱོང་ལྗོངས་ཀྱི་སྐོར་སྐྱོད་ལྟ་སྐུལ་མཛུབ་ཁྲིད་ཚོ་ཆུང་གཉིས་པས་བརྗོད་དོན་གཙོ་བོའི་གཙོ་རྐང་ལ་དམ་པོར་དམིགས་ནས་གཙོ་གནད་དང་འགག་གནད་དོན་ཁོང་དུ་ཆུད་པ་བྱས་ཡོད། རྫོང་(ཆུས་)༡༨དང་གྲོང་ཁྱེར་ཐད་གཏོགས་ཚན་པ་༨༢ཀྱིས་བརྗོད་དོན་གཙོ་བོའི་སློབ་གསོའི་དག་ཐེར་ཡོ་བསྲང་དོན་འཁྱོལ་བྱས་ཚུལ་ལ་ལྟ་སྐུལ་མཛུབ་ཁྲིད་བྱས་ཏེ་དག་ཐེར་ཡོ་བསྲང་གི་མྱུར་ཚད་འགོར་བ་དང་དཔྱད་ཡིག་ཡིག་ཚགས་ཀྱི་ཁོངས་སུ་མ་ཚུད་པ། དཔང་རྟགས་དང་དཔྱད་ཡིག་ཆ་ཚང་མེད་པ་སོགས་ཀྱི་གནད་དོན་ལ་དུས་ཐོག་ཏུ་དྲན་སྐུལ་བྱས་པ། ལས་ཀའི་འགག་གནད་དང་དཀའ་གནད་འཚོལ་རོགས་བྱས་ནས་དག་ཐེར་ཡོ་བསྲང་གི་འཕེལ་རིམ་ལ་སྐུལ་འདེད་བཏང་ཡོད། མིག་སྔར། གྲོང་ཁྱེར་ཡོངས་ཀྱི་ཁག་གཉིས་པའི་བརྗོད་དོན་གཙོ་བོའི་སློབ་གསོའི་ལས་དོན་ལ་དག་ཐེར་ཡོ་བསྲང་གནད་དོན་༦༨༤ལེགས་སྒྲུབ་བྱས་པ་དང་བཅོས་སྒྲིག་བྱེད་ཚད་བརྒྱ་ཆ་༡༠༠ཟིན་ཡོད།  

ཞིབ་བཤེར་བྱེད་ཤུགས་ཆེ་རུ་བཏང་སྟེ་གཙོ་གནད་གནད་དོན་ལ་དམིཌ་ནས་དག་ཐེར་ཡོ་བསྲང་ལ་དམ་འཛིན་བྱས་པ། དམིཌ་སའི་རང་བཞིན་ཡོད་པའི་སྒོ་ནས་གནད་དོན་བཅོས་སྒྲིག་ཏན་ཏིག་བྱས་ཡོད་ཅིང་། ལྷག་པར་དུ་ཕྱི་ཚུལ་རིང་ལུགས་དང་དཔོན་ཉམས་རིང་ལུཌ་ལ་ཞིབ་བཤེར་གཏིང་ཟབ་བྱས་ནས་འབྱུང་རྩ་ནས་དབྱེ་ཞིབ་དང་དེ་བསྟུན་གྱི་ལེགས་བཅོས་བྱ་ཐབས་ལ་ཕན་འབྲས་དངོས་ཐོན་ཡོད།

 གོང་འོག་མཉམ་འགུལ་ལ་ཤུགས་སྣོན་དང་ནུས་ཤུགས་གཅིག་འགྲིལ་གྱིས་དག་ཐེར་ལ་དམ་འཛིན་བྱེད་རྒྱུ་མཐའ་འཁྱོངས་བྱས་པ། ཁག་གཉིས་པའི་བརྗོད་དོན་གཙོ་བོའི་སློབ་གསོའི་ཚན་པས་ཁག་དང་པོའི་བརྗོད་དོན་གཙོ་བོའི་སློབ་གསོ་དོན་འཁྱོལ་བྱེད་པའི་གནད་དོན་ལ་དམིགས་ཏེ་གོང་འོག་སྦྲེལ་མཐུད་ཀྱིས་བརྗོད་དོན་གཙོ་བོའི་སློབ་གསོ་གཏིང་ཟབ་དང་ཏན་ཏིག་ངང་སྤེལ་རྒྱུར་སྐུལ་འདེད་བཏང་བས་གྲུབ་འབྲས་མངོན་གསལ་ཐོན་ཡོད། རང་སྐྱོང་ལྗོངས་ཀྱི་སྐོར་སྐྱོད་ལྟ་སྐུལ་ཚོ་ཆུང་གཉིས་པས་གནད་དོན་གྱི་གསལ་ཐོ་དག་ཐེར་ཡོ་བསྲང་དོན་འཁྱོལ་བྱས་ཚུལ་དང་ཆེད་དོན་བཅོས་སྒྲིག་དོན་འཁྱོལ་བྱས་ཚུལ། གོང་འོག་མཉམ་འགུལ་གྱི་བཅོས་སྒྲིག་བྱས་ཚུལ་སོགས་ལ་དམིགས་ཏེ་ཕྱོགས་ཡོངས་ནས་རང་བཤེར་དང་དབྱེ་ཞིབ་དཔྱད་གཅོད། བཅོས་སྒྲིག་གཏིང་ཟབ། འབྲེལ་མཐུད་མཉམ་འགུལ་བཅས་བྱས་པ་བརྒྱུད། བརྗོད་དོན་གཙོ་བོའི་སློབ་གསོའི་དག་ཐེར་ཡོ་བསྲང་གི་ལས་དོན་གཏིང་ཟབ་དང་ཏན་ཏིག་ངང་སྤེལ་རྒྱུར་སྐུལ་འདེད་བཏང་ཡོད། 

 (པ་སངས་ཚེ་རིང་གིས་བསྒྱུར་)