གྲོང་ཁྱེར་ཆུ་བེད་ཅུད་ཀྱིས། མ་ལག་གསུམ་འཛུགས་རྒྱུར་ཤུགས་བརྒྱབ་ནས་ཆུ་བེད་ཆ་འཕྲིན་ཅན་གྱི་ཞབས་ཞུའི་ཆུ་ཚད་ཕྱོགས་ཡོངས་ནས་མཐོ་རུ་བཏང་བ།

2024-07-25 21:42:43

作者

ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་བརྗོད་དོན་གཙོ་བོའི་སློབ་གསོ་སློབ་སྦྱོང་དང་ལག་བསྟར་གཏིང་ཟབ་བྱས་ཚུན། གྲོང་ཁྱེར་ཆུ་བེད་ཅུད་ཀྱིས་དགོངས་པ་སློབ་སྦྱོང་དང་ཏང་གཤིས་བརྟན་གཏོང་། ལག་ལེན་ལ་མཐོང་ཆེན། བྱས་རྗེས་གསར་འཇོག་བཅས་ཀྱི་སྤྱིའི་བླང་བྱ་གཞིར་བཟུང་ཆུ་གྲོན་ཆུང་བྱེད་རྒྱུ་སྔོན་ལ་འཇོག་པ་དང་བར་མཐོངས་དོ་སྙོམས། མ་ལག་བཅོས་སྐྱོང་། ཕྱོགས་གཉིས་ཀར་ཤུགས་རྒྱག་པ་བཅས་ཀྱི་ཆུ་བཅོས་བསམ་ཕྱོགས་ལྟེ་བར་བྱས་ཏེ་གྲོང་ཁྱེར་ཡོངས་ཀྱི་ཆུ་བེད་ལས་དོན་གྱི་ནང་དོན་ལ་དཔེ་བསྡུར་ཚད་འཛིན་རྒྱུན་མཐུད་ཀྱིས་སློབ་སྦྱོང་ལ་བརྟེན་ནས་ལས་དོན་ལ་སྐུལ་འདེད་བཏང་བ་དང་ལས་དོན་གཙོ་བོར་འཛིན་རྒྱུ་མཐའ་འཁྱོངས་བྱས་པ། ཆུའི་གནོད་འཚེ་དང་ཆུའི་ཐོན་ཁུངས། ཆུའི་སྣོད་བཅུད་བཅས་ལ་དམིགས་ནས་ལྟ་ཞིབ་ཚད་ལེན་རིག་ནུས་ཅན་དང་གྲངས་གཞི་ཅན་གྱི་མ་ལག་འཛུགས་རྒྱུར་ཤུགས་སྣོན་བརྒྱབ་སྟེ་ཆུ་བེད་ཆ་འཕྲིན་ཅན་གྱི་ཞབས་ཞུའི་ཆུ་ཚད་ཁྱོན་ཡོངས་ནས་མཐོ་རུ་བཏང་ཡོད་པ་རེད།

ཐོག་མཐའ་བར་གསུམ་དུ་མི་དམངས་གོང་དུ་བཀུར་བ་དང་ཚེ་སྲོག་བླ་ན་མེད་པའི་རྩ་དོན་མཐའ་འཁྱོངས་བྱས་ཏེ་ཆུའི་གནོད་འཚེའི་སྔོན་ཚུད་ཉེན་བརྡའི་ལྟ་ཞིབ་ཚད་ལེན་མ་ལག་བཙུགས་པ།

༢༠༢༢ལོ་དང་༢༠༢༣ལོའི་ཆུ་ལོག་གནོད་འཚེའི་སྔོན་ཚུད་ཉེན་བརྡའི་མ་ལག་སྤྱི་འདོམས་འཛུགས་སྐྲུན་ལེགས་གྲུབ་བྱུང་བ་དང་། རང་འགུལ་ཆར་ཆུ་ཚད་ལེན་ས་ཚིགས་༦༦དང་རང་འགུལ་ཆུ་བབ་ས་ཚིགས་༣༣ སྟབས་བདེའི་ལྟ་ཞིབ་ཚད་ལེན་དང་སྔོན་ཚུད་ཉེན་བརྡའི་སྒྲིག་བཀོད་སྒྲིག་ཆས་༡༠གསར་སྒྱུར་བྱས་པ། གྲོང་ཁྱེར་༡གི་གྲོང་རྡལ་༡༧ལ་བརྟག་དཔྱད་གདེང་འཇོག་བྱས་པ། རྫོང་༡༢ཀྱི་ཉེན་ཁ་ཆེ་བའི་ཁུལ་གྱི་འགུལ་རྣམ་དོ་དམ་གསལ་ཐོ་བཟོས་པ། རྫོང་ཆུས་༡༨ལ་ཆུ་ལོག་གནོད་འཚེ་སྔོན་འགོག་གསོ་སྦྱོང་དང་ནང་སྦྱོང་ཐེངས་༡བཅས་བྱས་ཡོད། ཆུ་ལོག་གི་གནོད་འཚེ་འགོག་བཅོས་ཁུལ་ནང་གི་ཆར་ཆུའི་གནས་ཚུལ་རྗེས་འདེད་ཁོང་དུ་ཆུད་པ་བྱས་ཏེ་ས་ཆ་ཁག་ཅིག་གི་དྲག་ཆར་བབས་ནས་ཆུ་ལོག་གི་གནོད་འཚེ་ཐོན་པའི་ལྟ་ཞིབ་ཚད་ལེན་དང་སྔོན་བརྡ་གཏོང་བའི་ཆུ་ཚད་དང་དེ་བཞིན་གཞི་རིམ་གྱི་མཉམ་འགོག་མཉམ་བཅོས་ཀྱི་ནུས་པ་ཆེ་རུ་བཏང་ཡོད་པ་རེད།

ཆུ་ཁོངས་བར་མཐོངས་བཀོད་སྒྲིག་དོ་མཉམ་བྱེད་ནུས་ཕྱོགས་བསྡུས་ཆེ་རུ་བཏང་ནས་ཆུའི་ཐོན་ཁུངས་ཚད་འཇལ་ལྟ་ཞིབ་ཚད་ལེན་མ་ལག་བཙུགས་པ།

གྲོང་ཁྱེར་ཡོངས་ཀྱི་གྲོང་ཁྱེར་དང་གྲོང་རྡལ་གྱི་སྤྱི་པའི་ཆུ་མཁོ་འདོན་ལས་གྲྭའི་ཆུ་ལེན་སའི་དྲ་ཐོག་ལྟ་ཞིབ་ཚད་ལེན་སྒྲིག་བཀོད་ཆ་ཚང་༢༥འཛུགས་སྐྲུན་ལེགས་གྲུབ་བྱུང་ནས་ཆུ་འབོར་གྱི་ཆ་འཕྲིན་དུས་ཐོག་ཏུ་ལྗོངས་དང་གྲོང་ཁྱེར་གྱི་ཆུ་བེད་ཆ་འཕྲིན་ལྟ་ཞིབ་ཚད་ལེན་གྱི་མཐའ་སྣེར་བརྒྱུད་གཏོང་བྱས་པ་དང་གྲོང་གསེབ་ཀྱི་ཆུ་མཁོ་འདོན་ལས་གྲྭ་༧༠ཡི་འཕྲུལ་ཆས་རྣམ་པའི་ཚད་འཇལ་ལྟ་ཞིབ་ཚད་ལེན་སྒྲིག་ཆས་ཆ་ཚང་༢༡༠ཕྱོགས་བསྡུས་སྒྲིག་སྦྱོར་བྱས་པ། ཞིང་ཆུ་འདྲེན་པའི་ལས་གྲྭ་ཆུང་གྲས་༡༢ཀྱི་དྲ་ཐོག་ཚད་འཇལ་སྒྲིག་ཆས་ཆ་ཚང་༢༤ཕྱོགས་བསྡུས་སྒྲིག་སྦྱོར་བྱས་པ། གྲོང་ཁྱེར་དང་གྲོང་རྡལ་གྱི་ཆུ་མཁོ་འདོན་ལས་གྲྭའི་ཆུ་ལེན་ས་དང་གྲོང་གསེབ་ཀྱི་འཐུང་ཆུའི་ལས་གྲྭ། ཞིང་ནང་ཆུ་འདྲེན་ལས་གྲྭ་ཆུང་གྲས་བཅས་ཀྱི་དཔེ་མཚོན་མ་དཔེའི་ཆུ་ལེན་འབོར་ཚད་ལ་ལྟ་ཞིབ་ཚད་ལེན་བྱས་པ་བརྒྱུད་གྲོང་ཁྱེར་ཡོངས་ཀྱི་ཆུ་ལེན་སྤྱོད་ཀྱི་གནས་ཚུལ་ཁོང་དུ་ནུས་ལྡན་ཆུད་ཐུབ་པ་དང་གྲོང་ཁྱེར་ཡོངས་ཀྱི་ཆུ་སྤྱོད་བསྡོམས་འབོར་ཚོད་འཛིན་དང་ཆུ་སྤྱོད་ལས་ཆོད་ཚོད་འཛིན་བྱེད་པར་གྲངས་གཞི་འགན་ལེན་མཁོ་འདོན་བྱས་ཡོད་པ་རེད།

ཆུ་བོ་དང་མཚེའུ་སྲུང་སྐྱོང་གི་བདེ་འཇགས་དམར་ཐིག་གི་འདུ་ཤེས་བརྟན་པོ་བཙུགས་ནས་ཆུའི་སྣོད་བཅུད་ཀྱི་བཞུར་ཚད་ལྟ་ཞིབ་ཚད་ལེན་མ་ལག་བཙུགས་པ།

ཧྲན་ཏུང་བོད་སྐྱོར་ལས་སྟེགས་ཀྱི་ལེགས་ཆར་བརྟེན་ནས་ལྟ་ཞིབ་ཚད་ལེན་གྱི་མདུན་སྣེའི་ས་ཚིགས་༢༣དང་མཐའ་སྣེའི་ཉེར་སྤྱོད་མཉེན་ཆས་དང་དེ་བཞིན་དབྱེ་ཞིབ་མ་ལག་ཆ་ཚང་༡བསྐྲུན་ནས་གཙོ་གནད་ཆུ་བོའི་དུམ་བུའི་ཆུ་ཁ་དང་རྒྱུག་ཚད། ཆུའི་སྤུས་ཚད་སོགས་ཆུ་བོ་དང་མཚེའུ་ཡི་ཆ་འཕྲིན་ལ་དུས་ཐོག་ཏུ་ལྟ་ཞིབ་ཚད་ལེན་ཐུབ་པ་བྱས་པ། དེའི་ནང་བརྙན་ལམ་གློག་མིག་དཔེ་སྟོན་ས་ཚིགས་༢བསྐྲུན་ཡོད་པ་དག་མྱང་ཆུ་གཙང་པོ་དང་ཤངས་ཆུའི་སྨད་རྒྱུད་དུ་ཁག་སོ་སོར་གནས་པ། ཆུ་འབོར་+ཆུ་བབ་ཀྱི་གློག་མིག་ས་ཚིགས་༢༠ཡོད་པ་དང་མྱང་ཆུ་གཙང་པོའི་གཞིས་ཀ་རྩེའི་ཆུ་དཔྱད་ས་ཚིགས་ཀྱི་བརྙན་ལམ་གློག་མིག་སྒྲིག་ཆས་༡དུས་མཉམ་གཅིག་བསྡུས་བྱས་ཡོད། སྣོད་བཅུད་ཆུ་འབོར་གལ་ཆེན་ཚོད་འཛིན་བཤགས་ངོས་དང་སྣོད་བཅུད་གསབ་ཆུའི་ལས་གྲྭའི་ཡུར་བུ་གལ་ཆེན་སོགས་ལ་ལྟ་ཞིབ་ཚད་ལེན་བྱས་པ་བརྒྱུད། མདུན་སྣེའི་ཤེས་ཚོར་ཆ་འཕྲིན་རང་འགུལ་ལྟ་ཞིབ་ཚད་ལེན་དང་མཐའ་སྣེའི་ཉེར་སྤྱོད་དབྱེ་ཞིབ་བེད་སྤྱད་དེ་ཆུ་བོ་དང་མཚེའུ་གལ་ཆེན་གྱི་སྣོད་བཅུད་ལྟ་ཞིབ་ཚད་ལེན་ཁྱོན་ཡོངས་ལ་ཁྱབ་ཐུབ་པ་མངོན་འགྱུར་བྱུང་ཡོད།

ཤེས་རྟོགས་བྱུང་བར་གཞིགས་ན། གོམ་སྟབས་རྗེས་མར་གྲོང་ཁྱེར་ཆུ་བེད་ཅུད་ཀྱིས་གྲོང་ཁྱེར་ཡོངས་ཀྱི་ཆུ་དྲ་དང་གྲངས་འཛིན་མཚེ་མའི་ཆུ་བེད་འཛུགས་སྐྲུན་བྱེད་མགྱོགས་སུ་གཏོང་བ་དང་གཙང་པོ་དང་ཆུ་བོ། མཚེའུ་བཅས་ཀྱི་ཆུ་མཛོད་ལྟ་ཞིབ་ཚད་ལེན་མ་ལག་འཐུས་སྒོ་ཚང་དུ་བཏང་ནས་ཆུའི་གནོད་འཚེ་འགོག་བཅོས་དང་ཆུའི་ཐོན་ཁུངས་གྲོན་ཆུང་། ཆུའི་སྣོད་བཅུད་སྲུང་སྐྱོང་སླར་གསོ་བཅས་ལ་སྤྱི་འདོམས་སྐུལ་འདེད་གཏོང་བ། འབབ་རྒྱུད་ཧྲིལ་པོ་དང་ཆུའི་ཐོན་ཁུངས་ཀྱི་བར་མཐོངས་བཀོད་སྒྲིག་ལ་གཞི་ཚུགས་ཏེ་གྲོང་ཁྱེར་ཡོངས་ཀྱི་ཆུའི་ཐོན་ཁུངས་བཀོད་སྒྲིག་དོ་སྙོམས་ཡོང་བ་བྱས་ནས་ཆུ་བེད་ཆ་འཕྲིན་ཅན་གྱི་ཞབས་ཞུའི་ཆུ་ཚད་ཁྱོན་ཡོངས་ནས་མཐོ་རུ་གཏོང་བ་དང་གྲོང་ཁྱེར་ཡོངས་ཀྱི་ཆུའི་བདེ་འཇགས་འགན་ལེན་ནུས་པ་ཆེ་རུ་གཏོང་རྒྱུ་ཡིན་པ་རེད། (ཆོས་སྒྲོན་གྱིས་བསྒྱུར་)