ཟླ་7པའི་ཚེས་9ཉིན། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོགས་ཆུང་དང་པོས་གཞིས་ཀ་རྩེ་གྲོང་ཁྱེར་ལ་ཁག་བཞི་པའི་ཡིག་སྐུར་ངོ་བཅར་གྱི་ཐེར་འདོན་ཡིག་ཆ་11བརྒྱུད་སྒྲུབ་བྱས་པ་དང་། དེའི་ནང་ཁ་པར་ཐོག་ནས་ཐེར་འདོན་བྱས་པའི་ཡིག་ཆ་10དང་ཡིག་བསྐུར་ཐོག་ནས་ཐེར་འདོན་བྱས་པའི་ཡིག་ཆ་1ཡོད་པ་རེད། སྦགས་བཙོག་གི་རིགས་གཙོ་བོ་ལྟར་དབྱེ་ན། རླུང་ཁམས་སྦགས་བཙོག་ཐེབས་པའི་1དང་སྐྱེ་ཁམས་གཏོར་བརླག་ཐེབས་པའི་རིགས་6 དེ་མིན་གཞན་དག་རིགས་3 འཛེར་སྒྲའི་གནོད་སྐྱོན་ཐེབས་པའི་རིགས་1བཅས་ཡོད། སྲིད་འཛིན་ས་ཁོངས་ལྟར་དབྱེ་ན། བསམ་གྲུབ་རྩེ་ཆུས་ལ་གྱོད་གཞི་6དང་རྒྱལ་རྩེ་རྫོང་ལ་གྱོད་གཞི་2 དིང་རི་རྫོང་ལ་གྱོད་གཞི་2 རྣམ་གླིང་རྫོང་ལ་གྱོད་གཞི་1བཅས་ཡོད་པ་རེད། 

ཟླ་7པའི་ཚེས་9ཉིན་བར། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོགས་ཆུང་དང་པོས་རང་རེའི་གྲོང་ཁྱེར་ལ་ཡིག་སྐུར་ངོ་བཅར་གྱི་ཐེར་འདོན་ཡིག་ཆ་19བརྒྱུད་སྒྲུབ་བྱས་པ་ཚང་མ་འབྲེལ་ཡོད་ཚན་པར་རྩིས་སྤྲད་ཟིན་པ་དང་། འབྲེལ་ཡོད་ཚན་པས་(སྡེ་ཁག་)སྒྲུབ་གཉེར་ཧུར་ཐག་བྱེད་བཞིན་ཡོད་པ་རེད། རང་སྐྱོང་ལྗོངས་ལྟ་ཞིབ་ཚོགས་ཆུང་གི་བླང་བྱ་གཞིར་བཟུང་། ཡིག་སྐུར་ངོ་བཅར་གྱི་གྱོད་གཞི་སྒྲུབ་ཚུལ་ཉིན་5ནང་ལྟ་ཞིབ་ཚོགས་ཆུང་ལ་ལན་སྤྲད་ནས་དག་ཐེར་དང་ཐག་གཅོད་བྱས་ཚུལ་དུས་ཐོག་ཏུ་སྤྱི་ཚོགས་ལ་ཡོངས་བསྒྲགས་བྱ་རྒྱུ་ཡིན་པ་རེད།