སྤྱི་ཟླ་༧པའི་ཚེས་༡༢ཉིན། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་དང་པོས་གཞིས་ཀ་རྩེ་གྲོང་ཁྱེར་ལ་ཁག་བདུན་པའི་ཡིག་བསྐུར་ངོ་བཅར་གྱི་ཐེར་འདོན་ཡིག་ཆ་༡༦བསྒྲུབ་རྒྱུར་སྤྲད་པ་དང་། དེའི་ནང་ཁ་པར་ཐོག་ནས་ཐེར་འདོན་༡༣བྱས་ཡོད་པ་དང་ཡིག་བསྐུར་ཐེར་འདོན་༣བྱས་ཡོད་པ་རེད། སྦགས་བཙོག་གི་རིགས་གཙོ་བོ་ལྟར་དབྱེ་ན། སྐྱེ་ཁམས་གཏོར་བརླག་བཏང་བའི་རིགས་༤ འཛེར་སྒྲའི་སྦགས་བཙོག་ཐེབས་པའི་རིགས་༡ དེ་མིན་གཞན་རིགས་༢ རླུང་ཁམས་སྦགས་བཙོག་དང་དེ་མིན་གཞན་རིགས་༡ སྐྱེ་ཁམས་གཏོར་བརླག་དང་དེ་མིན་གཞན་རིགས་༢ ཆུ་སྦགས་བཙོག་ཐེབས་པའི་རིགས་༡དང་། ཆུ་སྦགས་བཙོག་དང་དེ་མིན་གཞན་རིགས་༡ སྐྱེ་ཁམས་གཏོར་བརླག་བཏང་བའི་རིགས་༡ སྐྱེ་ཁམས་གཏོར་བརླག་དང་ཆུའི་སྦགས་བཙོག་ཐེབས་པའི་རིགས་༡ འཛེར་སྒྲའི་སྦགས་བཙོག་དང་གཞན་དག་རིགས་༡ སྲ་གཟུགས་སྙིགས་རོའི་སྦགས་བཙོག་ཐེབས་པའི་རིགས་༡བཅས་ཡོད། དེ་དག་སྲིད་འཛིན་ས་ཁོངས་ལྟར་དབྱེ་ན། གྲོ་མོ་རྫོང་ལ་གྱོད་གཞི་༡དང་། བསམ་གྲུབ་རྩེ་ཆུས་ལ་གྱོད་གཞི་༦ རྣམ་གླིང་རྫོང་ལ་གྱོད་གཞི་༢ ལྷ་རྩེ་རྫོང་ལ་གྱོད་གཞི་༡ དིང་རི་རྫོང་ལ་གྱོད་གཞི་༣ བཞད་མཐོང་སྨོན་རྫོང་ལ་གྱོད་གཞི་༡ གཏིང་སྐྱེས་རྫོང་ལ་གྱོད་གཞི་༡ ས་དགའ་རྫོང་ལ་གྱོད་གཞི་༡བཅས་ཡོད་པ་རེད།

སྤྱི་ཟླ་༧པའི་ཚེས་༡༢ཉིན་བར། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོ་ཆུང་དང་པོས་རང་རེའི་གྲོང་ཁྱེར་ལ་ཡིག་བསྐུར་ངོ་བཅར་གྱི་ཐེར་འདོན་ཡིག་ཆ་༥༩བསྒྲུབ་རྒྱུར་སྤྲད་པ་དང་། ཚང་མ་འབྲེལ་ཡོད་ཚན་པར་རྩིས་སྤྲད་ཟིན་ཞིང་འབྲེལ་ཡོད་ཚན་པས་(སྡེ་ཁག་)སྒྲུབ་གཉེར་ཧུར་ཐག་བྱེད་བཞིན་ཡོད་པ་རེད། རང་སྐྱོང་ལྗོངས་ལྟ་ཞིབ་ཚོ་ཆུང་གི་བླང་བྱ་གཞིར་བཟུང་། ཡིག་བསྐུར་ངོ་བཅར་གྱི་གྱོད་གཞི་སྒྲུབ་ཚུལ་ཉིན་༥ཡི་ནང་ལྟ་ཞིབ་ཚོ་ཆུང་ལ་ལན་སྤྲད་ནས་དག་ཐེར་དང་ཐག་གཅོད་བྱས་ཚུལ་དུས་ཐོག་ཏུ་སྤྱི་ཚོགས་ལ་ཡོངས་བསྒྲགས་བྱ་རྒྱུ་ཡིན་པ་རེད།

ཞར་བྱུང་ཡིག་ཆ། བསྒྲུབ་རྒྱུར་སྤྲད་པའི་ཁག་བདུན་པའི་ཡིག་བསྐུར་ངོ་བཅར་གྱོད་གཞིའི་གནད་དོན་གསལ་ཐོ།

རྩ་གཉིས་ཨང་རྟགས་བཤེར་ནས་གཟིགས་རོགས།

 (ཚེ་རིང་རྒྱ་ཚོས་བསྒྱུར་)