ཚེ་རིང་རྒྱ་མཚོ།
进度条 8%
བརྟག་དཔྱད་བྱས་པ་བརྒྱུད། ཞུ་སྦྱོར་ཕྱི་མ་སྤེན་ཆེ་གེ་མོས་2023ལོའི་ཟླ11པའི་ཚེས་24ཉིན་གྱི་མཚན་གུང་ཆུ་ཚོད་2པ་ཙམ་ལ། ཞིང་ལས་དངུལ་ཁང་གི་ATMདངུལ་ལེན་འཕྲུལ་ཆས་ནས་དངུལ་འདོན་པར་ཕྱིན་པ་དང་། དངུལ་བཏོན་ཚར་རྗེས་ལོག་པའི་ལམ་བར་དུ་རྐུན་མ་རྐུ་རྒྱུའི་བསམ་བློ་འཁོར། གཡས་གཡོན་ལ་མི་མེད་པའི་སྐབས་དང་བསྟུན་ནས་རྫོང་ཞིང་ལས་དངུལ་ཁང་གི་ལས་བཟོའི་ཉལ་ཁང་དུ་འཛུལ་ནས་དམིགས་ཡུལ་བཙལ་བ་དང་ཐོག་སོ་གཉིས་པའི་ཁྱིམ་ཚང་ཞིག་གི་ཁང་པའི་སྒོ་བརྒྱབ་མེད་པ་ཤེས་རྗེས། ལམ་སེང་ཁང་པ་དེའི་ནང་དུ་འཛུལ་ནས་གང་སར་སྔོག་སྟེ་རྒྱུ་དངོས་བརྐུས་པ་དང་། དེ་རྗེས་ཁང་པ་དེ་ནས་ཕྱིར་དོན་ཡོང་སྐབས། ཁ་སྤྲོད་ཀྱི་ཁང་པ་དེའི་སྡེ་མིག་སྒོའི་སྟེང་དུ་བཞག་ཡོད་པ་མཐོང་སྟེ། སྒོ་ཕྱེ་ནས་དེའི་ནང་འཛུལ་ཞིང་། ཉལ་ཁང་ཆུང་བའི་ནང་མི་ཉལ་ཡོད་པ་མཐོང་བས་ཉལ་ཁང་ཆེ་བའི་ནང་འཛུལ་རྩིས་བྱས་ཏེ་སྒོ་ཕྱེ་སྐབས་བདག་པོས་ཤེས་ཏེ་ཁྱོ་གར་སྐད་བརྒྱབ་པས། སྤེན་ཆེ་གེ་མོས་བྲེལ་འཚུབ་ངང་བྲོས་ཡོད་པ་རེད།
འདྲི་གཅོད་བྱེད་པའི་ཁྲོད། ཞུ་སྦྱོར་ཕྱི་མ་སྤེན་ཆེ་གེ་མོས་ཉེས་གསོག་དོན་དངོས་སྦ་གསང་མེད་པར་ངོས་ལེན་ཞུས་པ་མ་ཟད་དེ་ནི་ཉེས་གསོག་ཐོག་མ་ཡིན་པ་དང་། གནས་སྐབས་བསམ་བློ་འཁོར་ནས་རྐུན་མ་བརྐུས་པའི་བྱ་སྤྱོད་སྤེལ་བ་ཞིག་ཡིན་པས། སྤྱི་ཚོགས་ལ་གནོད་འཚེ་ཅུང་ཆུང་བ་དང་དཔལ་འབྱོར་གྱི་གྱོང་གུན་ཚབས་ཆེན་བཟོས་མེད་། གཞན་ཡང་ཞུ་སྦྱོར་ཕྱི་མ་སྤེན་ཆེ་གེ་མོས་རང་ཉིད་ཀྱི་ཉེས་གསོག་བརྒྱུད་རིམ་ཇི་མ་ཇི་བཞིན་ངོས་ལེན་ཞུས་པ་དང་། རང་ཉིད་ཀྱི་ཉེས་པ་ཁས་ལེན་དང་ཁྲིམས་བཅད་དང་ལེན་བྱས་པར་བརྟེན། ལྷ་རྩེ་རྫོང་མི་དམངས་ཁྲིམས་ཁང་གིས་གཞུང་གཏུག་ལས་ཁུངས་ཀྱི་ཉེས་ཆད་ཁྲིམས་འབབ་གྲོས་གཞི་དང་ལེན་བྱས་ཏེ། ཁྲིམས་ལྟར་སྤེན་ཆེ་གེ་མོར་བཙན་ཉར་ལས་བསྐུལ་ཟླ་བ་དྲུག་དང་། ཆབས་ཅིག་དངུལ་ཆད་སྒོར་ཆིག་སྟོང་གི་ཁྲིམས་ཐག་བཅད་ཡོད་པ་རེད།
བསྐྱར་ཞུས། འཆི་མེད།
ཞུ་དག ཚེ་རིང་རྒྱ་མཚོ།
རྩོམ་སྒྲིག་པ། ཚེ་རིང་སྒྲོལ་མ།
སྒྲ་འཇུག ཚེ་སྒྲོན།
ཡོང་ཁུངས། ལྷ་རྩེའི་སྐར་ཁུང་ཞེས་པའི་འཕྲིན་སྟེགས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
点赞
收藏
相关推荐
换一批
评论
