གྲོང་གསེབ་ས་ཁུལ་གྱི་གློག་སྒུལ་སྦག་སྦག་དང་སྦག་སྦག་འཁོར་ལོ་ཐོ་འགོད་བྱེད་དཀའ་བའི་གནད་དོན་སྔར་བས་ཐག་གཅོད་བྱས་ཏེ་འགྲོ་ལམ་འགྲིམ་འགྲུལ་སྒྲིག་ལམ་ཚད་ལྡན་ཅན་གྱི་དོ་དམ་ལ་སྐུལ་འདེད་གཏོང་བ་དང་དམངས་ལ་ཞབས་འདེགས་ཞུ་བའི་ལས་ཀའི་འདུ་ཤེས་རྒྱུན་ཆད་མེད་པར་ཟབ་ཏུ་གཏོང་ཆེད། འདི་ལོ་ཤར་ཚུན། ལྷ་རྩེ་རྫོང་སྤྱི་བདེ་ཅུད་འགྲིམ་འགྲུལ་ཉེན་རྟོག་རུ་ཆེན་གྱིས་མི་དམངས་ཉེན་རྟོག་པ་སྒྲིག་འཛུགས་ཧུར་ཐག་བྱས་ནས་ཁོངས་གཏོགས་ཁུལ་གྱི་གྲོང་གསེབ་ས་ཁུལ་དུ་བསྐྱོད་དེ་གློག་སྒུལ་སྦག་སྦག་དང་སྦག་སྦག་འཁོར་ལོའི་འཁོར་བྱང་འགེལ་བའི་སྲིད་ཇུས་དང་ཁྲིམས་སྲོལ་དྲིལ་བསྒྲགས་ཤུགས་ཆེན་བྱས་ནས་འགྲིམ་འགྲུལ་བདེ་འཇགས་ཀྱི་ཤེས་བྱ་ཁྱབ་གདལ་བཏང་བ་མ་ཟད། དཀའ་ངལ་དངོས་ལ་དམིགས་ནས་རང་འགུལ་ངང་འགན་འཁྲི་འཁུར་བ་དང་ལས་སྒོའི་བརྒྱུད་རིམ་ལེགས་སུ་གཏོང་བ། ཞབས་ཞུའི་སྤུས་ཚད་མཐོ་རུ་བཏང་ནས་ནུབ་རྒྱུད་རྫོང་ཁག་ནས་ཡོང་བའི་རླངས་འཁོར་གསར་པའི་ཐོ་འགོད་ལས་སྒོ་བདག་སྤྲོད་ཧུར་ཐག་བྱས་ཏེ་མང་ཚོགས་ཀྱིས་ལས་སྒོ་གཉེར་བའི་བརྒྱུད་རིམ་ནང་འཕྲད་པའི་མ་གནས་མཐོ་བ་དང་ལམ་ཐག་རིང་བ་སོགས་ཀྱི་དངོས་ཡོད་དཀའ་ངལ་ཐག་གཅོད་ཏན་ཏིག་བྱས་ཡོད། སྤྱི་ཟླ་༡པོའི་ཟླ་དཀྱིལ་བར། ཁྱོན་འཕྲུལ་སྒུལ་འཁོར་རིགས་༥༠ལྷག་ཙམ་ཐོ་འགོད་བྱས་པ་དང་གློག་སྒུལ་སྦག་སྦག་༤༠ལྷག་ཙམ་ཐོ་འགོད་བྱས་པ། ལས་སྒོའི་བློ་འདྲི་བ་༢༤༠ལྷག་ཙམ་བདག་སྤྲོད་བྱས་ཡོད་པ་རེད།
(ཆོས་སྒྲོན་གྱིས་བསྒྱུར་)
点赞0
收藏
相关推荐
换一批
评论
