འོད་ལ་འོད་ཀྱིས་མཛེས་པའི། །

ཤེས་རིག་དཀར་པོའི་འོད་མདངས། །

འོད་དེ་སེམས་ལ་གསལ་མཁན། །

བརྩེ་ལྡན་དགེ་རྒན་བཟང་པོ། །

ལམ་ལ་ལམ་གྱིས་མཛེས་པའི། །

མ་འོངས་མི་ཚེའི་ལམ་བུར། །

སློབ་གསོའི་བྱས་རྗེས་འཇོག་མཁན། །

བརྩེ་ལྡན་དགེ་རྒན་དམ་པ། །

ཤེས་ལ་ཤེས་བྱས་ཕྱུག་པའི། །

ཤེས་བྱའི་འཇིག་རྟེན་གནས་ལུགས། །

ཕངས་མེད་བུ་ལ་བསྩལ་མཁན། །

དྲིན་ཅན་དགེ་རྒན་བཟང་པོ། །

བྱམས་བརྩེའི་སློབ་གསོ་གནང་བཞིན། །

ལུས་སེམས་ངལ་བས་དུབ་ཀྱང་། །

བུ་ཕྲུག་མདུན་ལམ་ཆེད་དུ། །

ཉིན་མཚན་བྲེལ་བས་ཁེངས་སོང་། །

བདག་བློའི་རྨོངས་གཉིད་འཇོམས་པའི། །

བརྩེ་ལྡན་དགེ་རྒན་བཟང་པོ། །

ཁྱེད་ནི་མུན་སེལ་སྒྲོན་མེ། །

ཤེས་རིག་མུན་པ་སེལ་སོང་། །

ཁྱེད་ཀྱི་བཀའ་དྲིན་ཟེར་བ། །

ཚེ་འདིར་གཞལ་བར་དཀའ་ཡང་། །

དགེ་རྒན་བཟང་པོའི་བཀའ་དྲིན། །

སེམས་ཀྱི་གཏིང་ནས་མ་བརྗེད། །