འབྲེལ་ལམ་ནི་རྒྱུན་ཐག་ཅིག་སྟེ།

ལོ་ཟླ་དང་དུས་ཚོད་དེ་ནས་བཟུང་།

མི་མངོན་པའི་མཛའ་མཐུན་འདི་ག་ལེར།

ཚེ་སྲོག་གི་རྒྱུན་ཐག་ལ་འདྲེས་ཏེ།

བར་ཐག་གི་གཞིས་ཀ་འཚོལ། 

སྔར་གྱི་ལོ་ཟླ་དེ་ནས།

ཁྱོད་ནི་ཁྲུང་ཁྲུང་བཞིན་གནམ་མཐའ་ལ་ལོག་སོང་།

མ་འོངས་པའི་དུས་ཚོད་ངེས་ཅན་ཞིག་ནས།

སླར་ཡང་ལོག་ཕེབས་རྒྱུར་སྒུག 

ཁྱོད་རང་རིང་དུ་གྱེས་ན་བསམ།

ཉེ་བར་བཅར་ན་སྐྱོ་གཏམ་མང་།

བར་ཐག་ནི་གཅིག་བྱས་ན་འབྲེལ་ལམ་གཅིག་སྟེ། 

གཅིག་བྱས་ན་གྱེས་བྲལ་གྱི་ལམ་མདོ་ཞིག་རེད་འདུག

གང་ལྟར། 

མཛའ་མཐུན་གྱི་འཚོ་བ་དེ།

བྲེལ་འཚུབ་འཚུབ་ངང་ནས་རྫོགས་འགྲོ།

འདི་ལ་སྨྲེང་བའི་སྐད་ཆ་བཤད་ས་མེད།

སྐྱེ་འཆི་ཡི་གོ་རིམ་ནི།

སོས་ཀའི་གནམ་ངོ་བཞིན་འགྱུར་སླ་བས།

ང་གཉིས་ཀྱི་རྨི་ལམ་རིང་མོ་དེ་ཡང་དེ་ལྟར་རྫོགས་འགྲོ།

དེ་ལ་ཡིད་ཆད་དང་སྐྱོ་གར་མ་གནང་རོགས།