ལས་མཐུན་ཟླ་བའི་འཛུམ་དཀར་འཕྲོ་བ། །

ཡིད་འོང་ཚིག་གིས་རྒྱན་ཞིག་སྤྲས་བཞིན། །

སྣང་བ་ཆགས་སའི་སྲིད་པའི་ཕུན་ཚོགས། །

འདྲིས་ཤིང་ཟླ་བའི་ཀློང་ནས་རྙེད་སྐབས། །

མེ་ལོང་ཕྱི་ནང་གཉིས་ཀ་གཙང་ཞིང་། །

ནམ་ཟླའི་ཕར་ངོགས་ཤིན་ཏུ་ཡག་ཀྱང་། །

ཚིག་གི་འགྲོས་སུ་ལན་ཆགས་ཐོགས་པ། །

མ་བཅོས་འཚོ་བའི་རང་བཞིན་ཨེ་ཡིན། །

ལོ་ཟླ་བརྒྱུད་པའི་འདང་ཞེན་ཀློང་ནས། །

འཆར་ཡན་རིང་མོ་ཤིན་ཏུ་གསལ་བ། །

ལས་སྐལ་གཅིག་གི་རྨི་ལམ་རྨིས་བཞིན། །

ལྷིང་འཇགས་ནང་གི་མི་ཚེ་བསྐྱལ་འགྲོ །

ཡིད་བརྙན་ནང་གི་ཞེན་ཆགས་རིང་མོ། །

ཕུལ་བྱུང་ལས་དང་འགྲོག་ཐབས་བྱེད་ལ། །

གློ་རྡེག་བྱུང་བའི་སྤྲོས་པའི་འཆར་ཡན། །

མེ་ལོང་དབུས་ནས་ཕྱི་ནང་གསལ་བྱུང་། །

ཚོར་བའི་གཞུང་དུ་འཚང་བ་ཀུན་ལས། །

ཡིད་འོང་ཚོགས་སུ་གསལ་ལ་མ་འདྲེས། །

འདང་ཞེན་ཕྲ་མོས་ཡུན་ནས་འཁྱུད་དེ། །

བརྩེ་བའི་འཆར་ཡན་སྙིང་དང་ཉེ་བྱུང་། །

སྨོན་པ་དབུས་སུ་ལས་ཀྱི་གཉུག་གཤིས། །

མ་བཅོས་མ་ལྷད་ངང་གིས་འཕེལ་བ། །

དར་ཐག་སྦྲེལ་བའི་འདང་གི་སེམས་པ། །

ཚོར་བའི་གཏིང་ནས་ཞེ་ཡིས་ཕུལ་ཡོད། །

ཁྲེལ་གཞུང་ནང་གི་ན་ཚོད་གཅིག་པའི། །

རྨི་ལམ་ཞིག་དང་ནང་སེམས་གཉིས་ཀ །

མཐུན་པའི་ལང་ཚོ་མཛེས་ཤིང་སྡུག་སྟེ། །

རྨད་བྱུང་དགའ་བ་ཡང་ཡང་འཁོར་བ། །

ཕྱིར་མིག་ཁྲོད་ནས་མཐོང་བ་སྣ་ཚོགས། །

ལས་སྐལ་བསམ་ཞིང་ཡིད་འོང་སྒོམ་ན། །

ཡུན་རིང་དུས་ཀྱི་བརྩེ་སེམས་མཚོན་པ། །

དགའ་སྐྱོ་གཉིས་ཀའི་ན་ཚོད་ཡིན་འགྲོ །