ཡུལ་གྱི་མདངས་ལ་འགྱུར་བ་བྱུང་། །

ནང་སེམས་ཚོར་བ་སྣ་ཚོགས་པས། །

དྲན་འགྱུ་ཀློང་གི་ཚོར་བྱུང་ཡོངས། །

ནམ་ཟླའི་ཁྲོད་ནས་རིམ་གྱིས་མངོན། །

ལས་རླུང་བསིལ་བ་རྒྱང་དུ་བཞུད། །

ཆར་པ་ཟམ་ཟིམ་ཉེ་སར་བབས། །

མཛེས་སྡུག་བཞད་པའི་སྟོན་ཁ་ལ། །

སེམས་སུ་མགུ་བ་མང་པོ་མཆིས། །

ཡིད་ཀྱི་དྲན་པ་མཐའ་མེད་ཅིང་། །

དྭངས་གཙང་སྨིན་པ་དུས་ཀྱི་ཚོད། །

སྣང་བར་འཁོར་བའི་རྨི་ལམ་ནི། །

སྟོན་ཁ་ཇི་བཞིན་མཛེས་ཤིང་སྡུག །

ཟླ་བའི་རླབས་རིས་གཡོ་བ་ཙམ། །

ཞེ་འདི་འགུལ་བ་ལན་གཅིག་མིན། །

སྟོན་ལོ་སེར་པོའི་རང་མདངས་ལ། །

ལོ་ཟླའི་འགྱུར་བག་དལ་གྱིས་ཁྲིད། །

བརྩེ་བའི་མེ་ཏོག་རྙིད་གྱུར་ཡང་། །

ལས་ཀྱི་ཨ་ལོང་ཚོར་བས་རུམ། །

སྙིང་ལ་སྡུག་པའི་སྟངས་ཀ་ཞིག །

དྲན་སྣང་བར་དུ་ཡང་ཡང་ལྡིང་། །

ཚེ་ཡི་རྒུད་པ་རྫོགས་པའི་ཉིན། །

གཟུགས་སུ་གྲུབ་པའི་ཕུང་པོ་ལ། །

ན་ཚོད་གཅིག་གི་གོ་རིམ་ནི། །

སྟོན་ཁ་ལྟ་བུས་ལབ་ནས་འོང་། །