ང་རང་སྙན་ངག་འབྲི་རྒྱུར་དགའ།

ལྷག་ཏུ་སྙན་ངག་གི་བརྗོད་བྱར་གྱུར་བའི་ཁྱེད་ལ་ཤིན་ཏུ་དགའ།

ནམ་རྒྱུན་སློབ་ཆེན་ནང་རྩོམ་ཉོག་ཤོ་ལོ་ཀ་རེ་འབྲི་བར་བརྩམ་དུས།

མགོ་མཇུག་བར་གསུམ་དུ་སྙན་ངག་གི་ཡ་རབས་མ་འདུས་པ་གཅིག་ཀྱང་མེད།

དོན་ངོ་མར།

ཁྱེད་ཀྱི་མི་གཤིས་བདག་གི་སྨྱུག་རྩེར་ཐོགས་པའི་ནག་རྐྱང་རྐྱང་གི་ཡིག་འབྲི་ཐར་ཐོར་དེ།

སེམས་ཀྱི་ཕྱི་ནང་བར་གསུམ་ན་གནས་པའི་ཚིག་གི་ཚོམས་ཤིག

སྙན་ངག་ཡ། སྙན་ངག་གི་བུ་མོ།

བདག་གི་དགའ་ཕྱོགས་ཤིག

ཁྱེད་ཉིད་རྩོམ་ཡིག་ནང་འཆར་བའི་སློབ་ཆེན་བ་དེ་ཡིན་པ་འདྲ།

སེམས་ཀྱི་ཡིད་དབང་ཞིག

མདོར་ན།

བདག་ལ་སྙན་ངག་གི་བརྗོད་བྱ་གཞན་མེད་པས་མ་ཡིན་རུང་།

སྙན་ངག་ཟེར་བ་ཞིག་གི་ཐ་སྙད་དམར་ཆུང་སེམས་སུ་ཡོད་པས།

ངའི་འཆར་ཡན་དང་སྙན་ངག་གི་བྲིས་མ་ཚར་བའི་མེ་ཏོག་ལགས།

ཁ་བྱང་ནས་མཇུག་བར་སྙན་ངག་གི་བུ་མོ་ཁྱོད་ཁོ་ན་ཡིན།

སྙན་ངག་གི་བར་ནས་……